تصريح
--------
مره طرافه و مره ظرافه
ومره كلام تلطيف و لطافه
والله ان كان ده علي ده و ده
تطلع حسبه ناتجها سخافه
لما تقوم من نومك يومك
زي الفل و هادي و راسي
تجري تدورعلي اخبارها
ما انت وراثه غاوي تقاسي
تلقا هلمه من التصاريح
يتلوهم شيء م التلميح
انك وزنك ذاد عن حد
كان معمول لمقاسك قد
و ان صراحه ان جيت للجد
حان الوقت عشان تتاخر
مش هنقصر ولا هنجيب
وياك م الاخر
انت مسيرك داهيه تشيلك
يا هتزهق منا و هتسافر
واما تسافرر مش هنسيبك
راح نبعت وياك كراكيبك
للعقل يوزك و يجيبك
ترجع تاني و فينا تعافر
و اذا عايز تفضل اتفضل
و هنختار لك احنا الافضل
لو هتوافق علي مبادئنا
اول حاجه أوام تعملها
تخف شويه عن مسامعنا
و تبطل كلمه اشمعنا
و تسيبك من عبد العاطي
و سلامه بتاع كفر غطاطي
ما انت معانا هتسكن عالي
هي هتلزق كلمه واطي
ديتها حمومه و قلبه و قومه
و تمدد عالفرشه الناعمه
تطفح علي جتتك النعمه
هتحبها هنحبك موت
واذا تكرهها اكيد راح تعما
ده تصريح مسؤل النعمه
بالأحمر علي اول صفحه
تحته في صوره الناس بتقول له
مبروك تجديدك للثفقه
