روقان
-----
في قصيده مهياش
عاطفيعة
ولا سياسيه
و لا فكاهيه
قلت أكتبها
في وقتي الفاضي
و أروق فيها
العقل شويه
و ابعد فيها
عن زحمتنا
وعن فرختنا
و عن لحمتنا
وابعد حتي
عن باب بيتنا
اللي سايعنا
كده بالتيله
وابعد عن تخبيط
اوتوبيسنا
اللي لوحده
مصيبه ثقيله
و ابعد عن
عسكري دوريه
في الوردية
اخد تعسيله
وانسى اجورنا
و انسى ضميرنا
و انسى ان احنا
في عز صبانا
شيخنا و شعرنا شاب
و كبرنا
و انسى مشاكل
ملهاش عد
اتعدت حد
ماعاد يتحد
و انسى حزام
عالبطن اتشد
تبت قرط
وسطي و خرط
هرب دمي
بجذر و مد
و انسى طابور
علي لقمه عيش
و انسى التخطيف
و التهبيش
و انسى ان احنا
بنأكل طقة
و بنسيب طقة
لا هو للوفر
ولا دماغ طقه
دة ببساطه لأنه مفيش
و فضلت ابعد
و ابعد و انسى
و انسى اذاي
و الكل فاكرني
دورت اشكي
لحد و احكي
ما لقيت الا
اوراقي و قلمي
و في اول حرفين
ع الصفحه
قالت لو تسمحلي
ثواني
ليه كل مابتضيق
الدنيا
بتجيلي بهمك
تملاني
و ياريتك في النور
بتسبني
لا بتكيدني
ترميني في درج
و تنساني
فيها ايه لو تكتب
في اغاني
تحكي حكايا
عن واد روميو
أو قصه عن
فيفي و هاني
و لاقيتني
و الحق معاها
سطرط عليها
لأغنيه
كانت قبل ما ورقي
يلومني
راح تحكي
علي الف قضية
و انا لو اشيل الهم
بخطري
ايه ذنب اللي يعيش
حوليا
عن اذنك راح اقول
مطلعها
و الباقي علي الله
و عليا
واقفة في وسط الدنيا.... وهي
فايتة الدنيا بدنيا.... و دنيا
كل العالم خد بكالوريا
و هي بتهجي
في اولى و تانية